Sylvia Braun — Studentin im 7. Semester

Ich finde, mit dem Studium hät mer de Foifer und s Weggli.

Vor drü Mönet bin ich vo minere chline "Wältreis" zruggcho, zum s letschte Jahr Studium in Aagriff z näh. S Departement Materialwüsseschfte hät ganz bsunders vill Kontakt zu Unis im Usland. Vo dem han ich profitiert und han zwei super Semeschter in Göteborg, in Schwedä, studiert!
Ich han interessanti Fächer beleit und glichzitig Schwedä und mich sälber besser känneglehrt. Und ich han Fründe gfunde us aller Wält!
Det hät mi dänn s Reisefieber würklich packt und ich han entschiede, s Industriepraktikum au im Usland z mache. Mit Hilf vo mine Mexikanische Fründe han ich det bald en guete Platz gfunde gha. Und nach em Praktikum häts dänn au für zwei wuche Färie zwüsched Kokospalme und Koralleriff glanget.
Oises Studium isch spannend und klar stukturiert. Es isch zwar aaspruchsvoll aber au abwächsligsrich.

Ich heisse Sylvia Braun, bin 23. Ich finde, mit dem Studium hät mer de Foifer und s Weggli.

Deutsche Übersetzung »»